Rubén Campa ye agora’l meyor escanciador de Llanera

Asegura que los concursos ayuden a meyorar

Rubén Campa ye enagora’l meyor escanciador de Llanera. Ye amás unu de los más destacaos n’Asturies. Afítalo la clasificación xeneral del campeonatu internacional d’escanciadores, onde enagora ocupa la quinta plaza.

L’enfotu provocó que va poques selmanes ganare la prueba de Cabranes, celebrada nel Festival del Arroz con Lleche. Facía tres años, y cuasi 50 etapes, que nun ganaba un asturianu.

L’añu pasáu quedó nel puestu númberu 11 de la clasificación xeneral. Esta vegada aspira a xubir delles posiciones.

Asegura que naide-y enseñó a escanciar, y que los concursos ayuden en gran midida a meyorar.

Trabaya dende va 17 años nuna centenaria sidrería de Llugo, La Bolera, que sos padres mercaron en 1997.

Nun yera amigu de los estudios, y prefirió metese na hostelería cola so familia a los 16 años, gracies a una vocación qu’entovía caltién, y agora amás tien l’honor de ser el meyor escanciador del conceyu.