Saint-Gobain abre'l períodu de consultes sobro'l zarru de Sekurit

Concentración de trabayadores a les puertes de la fábrica avilesina     

Saint-Gobain anuncia l'apertura del periodu formal de negociación del ERE pa la plantiya de Sekurit. Va empezar la próxima selmana, según se-yos comunicó esta mañana a la representación de los trabayadores, que se volvieron a concentrar a les puertes de la fábrica avilesina.

El comité d'empresa pide un plan industrial pa tola planta, que dexe caltener l'actividá. El zarru de la división de parabrises afecta a 160 empleos directos.

Los trabayadores de Saint-Gobain, na so mayoría homes, tienen una media d'edá de 49 años, el 40% tien estudios cimeros, otru 40% graos cimeros en formación profesional y el restu una formación menor. Aseguren que nun se rindirán. Van siguir movilizándose pa consiguir más producción, que dexe caltener de l'actividá nel centru avilesín.