Samuel Díaz, pasión sobre dos ruedes

A los 7 años entamó a competir y llogró la so primer reconocencia como subcampeón d'Asturies

A los 7 años, Samuel Díaz entamó a competir y llogró la so primer reconocencia como subcampeón d'Asturies. Dempués llegaron otros podios, en Castiella y Lleón y Galicia.

En 2017 llogra'l primer puestu en SM85, la copa gallega Anpa KX en 2018 o la Copa de Campeones, y l'añu pasáu algamó'l Campeonatu interautonómicu de velocidá.

Esti 2020 va dar un pasu más na so carrera; nueva categoría y cilindrada, la 390 Cup. Va llegar a pilotar a una velocidá de 230 kilómetros per hora.

Na so carrera pa convertise nunu de los grandes, Samuel va tener que pasar torgues más allá del asfaltu, anque ta dispuestu a ello y cuenta col sofitu incondicional de la so familia.

Neumáticos, mecánica, desplazamientos, agospiamientos, cada entrenamientu y competición suma nuevos gastos. Por eso, el sofitu de los sponsors ye vital. Pel momentu cunta con 12 patrocinadores locales, un emburrión a nivel rexonal ayudaríalu na so carrera.