Sanciones por vulnerar les normes de confinamientu

Autoridaes dicen que ye esmolecedora la cifra de persones d'avanzada edá que inclumplen la obligación

Dellos ciudadanos siguen intentando frayar les normes del confinamientu y por ello siguen sancionando. Un ciclista foi deteníu a la una d'esta madrugada en Viesques, Xixón, por nun faer casu a les indicaciones policiales pa tornar a casa, cuando daba un paséu en bicicleta.

El ciclista foi alcontráu y al pidi-y la identificación, non solo tusió enriba los axentes sinón que s'escapó. Xubíu na bici foi circulando dacuando per dirección prohibida, hasta que consiguieron prindalu unes cais más allá.

Amás 80 persones fueron denunciaes pola Policía Local de Xixón por incumplir el confinamientu. Afirmen que ye especialmente esmolecedor la cifra de persones d'avanzada edá que nun faen casu de la obligación xeneral de quedar en casa. Ente los 80 denunciaos, 21 persones teníen más de 6 años, y más de la metá yeren mayores de 60.

N'Uviéu tamién nos confirmen qu'hebo ocho sanciones. En Llangréu, en tres díes y hasta ayeri pela nueche identificáronse a 550 persones, con dos deteníos y 27 persones propuestes pa sanción.