Seis conceyos con escueles de 0 a 3 años nun estabilizaron les sos plantiyes

Les educadores sostienen que la rede autonómica naz fallida porque nun homoxeniza les condiciones llaborales

Polo menos seis conceyos con escueles de 0 a 3 años nun estabilizaron les sos plantiyes d'educadores.

Falamos con delles de les más de 90 educadores que nun tienen consolidada la so plaza. Los conceyos d'Avilés, Gozón, Grau, Mieres, Noreña y Siero, por casu, nun estabilizaron les plantiyes de les sos escolines. Una situación qu'en dellos casos tán nos tribunales. La integración na rede autonómica nun supón, en principiu, la estabilidá llaboral de les sos técniques cimeres n'Educación. Dalgunes lleven más de 15 años. Asina lo esplica Anabel Gil, educadora d'Escuela infantil de 0 a 3 años d'Avilés.

Les educadores sostienen que la rede autonómica naz fallida yá que nun homoxeniza les condiciones llaborales, que son desemeyaes n'horarios y salarios. En dellos casos les diferencies nes nómines superen los 500 euros brutos al mes. Afítalo Silvia Sánchez, educadora de la Escuela de 0 a 3 años de Mieres.

Otra de les desigualdaes que señalen ye qu'a pesar de dotar a la rede de 0 a 3 del calter educativu, amás del conciliador, nun son cuerpu docente, yá que nun dependen d'Educación sinón de Función Pública. Asina lo cunta Alba Fernández, educadora de la Escuela de 0 a 3 años de La Florida d'Uviéu. Y elles, pa que la so voz s'escuche n'Educación, tán creando una plataforma.