Radiotelevisión del Principáu d'Asturies Radiotelevisión del Principado de Asturias

Radiotelevisión del Principado de Asturias

Asturias / Industria

Fuente: RTPA, 1 de ochobre. 2023 09:51

Sepides avanza nel plan de bateríes col esbarrumbe de la torre de carbón

En castellano

Sepides avanza en el plan de baterías con la demolición de la torre de carbón

Los axentes sociales piden a Sepides que nun se precipite na venta de los tarrenes

Los axentes sociales piden a Sepides, propietaria de los tarrenes de bateríes de coque, que nun se precipite na so venta, p’algamar una rápida amortización de lo invertío.

Evitar errores del pasáu y impedir que s’especule colos tarrenes ye la principal esmolición de los axentes sociales.

Quieren que pa los tarrenes de bateríes llegue un proyectu afitáu, pa lo que fai falta estudiar con tranquilidá les propuestes, esplica José Manuel Rodríguez Baltar, Secretariu Xeneral de la Xunión Comarcal de CCOO Avilés.

Pa los axentes sociales y empresariales, lo más interesante sedría que llegare a Avilés un gran proyectu que seya motor pa l’atracción d’otros nichos, o sinón, dellos proyectos.

Lo más importante, dicen, ye que xenere trabayu, según espliquen Abilio Álvaro Azofra, Secretariu Xeneral de la Xunión Comarcal d’UxT Avilés y Pablo Muñiz, vocal de la Cámara de Comerciu de la Fastera d’Avilés.

Tamién el Cai d’Avilés considera estos tarrenes estratéxicos pa l’actividá portuaria.

Según un estudiu de la consultora Eirlog Ingeniería, en 2035 el cai podría mover más de 6 millones de tonelaes, un 22% más qu’en 2019, exerciciu tomáu como referencia.

Poro, los tarrenes de bateríes de coque, son la principal vía pa la so medría, cola captación de nueves empreses que xeneren tráficos.