Siero aprueba la llicencia d'obres y d'apertura pal centru loxísticu de Amazon

El llunes empiecen les obres de movimientu de tierra pa la construcción de la nave

La Xunta de Gobiernu del Conceyu de Siero aprobó güei por unanimidá la llicencia d'obres y apertura del futuru almacén loxísticu que la empresa Spain Fulfillment Birch Southeast (Amazon) va poner en marcha nuna parcela del polígonu industrial de Bobes que cunta con una superficie de 200.000 metros cuadraos.

El proyectu va ser unviáu agora a la Dirección Xeneral de Mediu Ambiente del Principáu pa que lu dictamine al ser una actividá clasificada y plantegue posibles midíes correctores  primero que'l Conceyu apruebe un nuevu informe xurídicu y la llicencia de forma definitiva.

En rueda de prensa tres el conceyu de la Xunta de Gobiernu, l'alcalde, Ángel García, señaló que la inversión na obra civil del almacén va tener un costu de 80 millones d'euros colo que la inversión global, incluyíu l'equipamientu con que va tar dotáu'l centru loxísticu, va superar "abondo" los cien millones d'euros.