Siero y el Principáu amuésense confiaos en camudar les directrices de comerciu

L'actual normativa torga la llegada a Asturies del xigante americanu Costco

La multinacional comercial Costco ta interesada en comprar 55.000 metros cuadraos nel Polígonu de Bobes. Unos 15.000 pa la so nave. Sicasí, les directrices de comerciu asturianes impiden la construcción de más de 2.500 metros. Poro, l’alcalde de Siero confía en que’l Gobiernu asturianu camude l’actual normativa.

El propietariu del suelu ye’l Principáu. La Dirección Xeneral de Comerciu afirma que trabaya con unes nueves directrices, porque hai importantes inversores p’Asturies.

Ún de los grandes atractivos de Siero ye’l comercial y empresarial. Namás hai cuatro Costco n’España, y l’alcalde asegura que con estes directrices, yá perdieron un Decathlon o un Bricomart.