Siguimientu total de la fuelga de Saint-Gobain escontra'l pieslle de Sekurit

La compañía plantegó un espediente de regulación d'empléu pa 125 persones

El siguimientu de la primer xornada de fuelga pol pieslle de la división de fabricación de parabrises pa coches de Saint-Gobain (Sekurit) ta siendo del cien por cien, según apuntó a EFE esti martes la presidenta del Comité d’Empresa, Verónica Otero.

El Comité d’Empresa de Saint-Gobain decidió siguir alantre col calendariu de paros previstu hasta’l 18 d’avientu viniente, dempués de tener ayeri, llunes, una xunta nel Serviciu Asturianu de Solución Estraxudicial de Conflictos (Sasec).

Na xunta, la empresa caltuvo la so postura de zarrar la división Sekurit y d’aplicar un ERE d’estinción de trabayu pa 125 trabayadores.