Soliciten más seguridá nel accesu a la piscina de Turón

El Principáu repara'l semáforu que regula la entrada a la instalación

En Turón, Mieres, xestores de la piscina y usuarios soliciten más seguridá nel accesu a la instalación. Esta mañana y dempués d’un mes apagáu, el Principáu reparó’l semáforu que lu regula. Sicási, siguen inseguros, pola falta de visibilidá y l’altu tránsitu de persones y vehículos.

Una media d’ente 200 y 400 bañistes van a les piscines de Turón en díes soleyeros. Dempués d’un mes, recuperen el semáforu d’entrada al complexu, anque paecen siguir sintiéndose inseguros.

Amás, denuncien, sigue torcíu, dando menos visibilidá entá. La situación repítese cada branu y proponen replantear l’allugamientu.

Otru mes apagáu lleva un semáforu de Mieres Sur, a l’altura de La Villa. La previsión ye que quede reparáu tamién güei.