TPA emite esta nueche la final del 'Campeonatu Mundial d'Escanciáu'

Cuatro aspirantes llegaron a la fase final

Esta nueche van poder ver en TPA les semifinales y la final del Campeonatu Mundial d'Escanciáu.

Cuatro aspirantes llegaron a la fase final. Son l'asturianu Pelayo Rodríguez, el colombianu Jeyson Franco y los dominicanos Wilkin Aquiles y Alejandro Morillo.

Caunu va echar una botella y los seis culetes van ser valoraos pol xuráu de la competición, que se celebra nel Muséu de la Sidra d'Asturies en Nava.