Tecnoloxía asturiana pa la economía verde​

Idesa construye n'Avilés cinco depósitos pa hidróxenu verde pa una planta en Puertollano

Idesa construye n’Avilés cinco depósitos pa hidróxenu verde, pa la primer planta industrial que se ta montando n’España, en Puertollano.

Con esti encargu y la construcción de los mayores depósitos d’España pa gas natural licuao tamién en marcha, la inxeniería entama a orientase a la nueva economía verde na que ve opciones de medría.

Los depósitos son tan altos como un edificiu de seis plantes y guardarán dientro hidróxenu verde. Idesa dará a finales d’añu estos depósitos.

Ye’l so primer pidíu orientáu a la nueva economía cero emisiones, lo que supunxo un retu d’inxeniería, según esplica víctor Martínez, director d’operaciones d’Idesa.

N’Idesa tienen tamién en cartera pieces pa una planta d’almacenamientu de CO2 nel norte de Europa.

L’oxetivu de la inxeniería ye tar bien asituada nesta carrera industrial verde, que promete col so despegue grandes inversiones.