La diputada de Podemos na Xunta Xeneral del Principáu, Covadonga Tomé, alvirtió esti xueves a la FSA-PSOE que, nes negociaciones pa encarar la investidura y la formación del próximu Gobiernu, el so "interllocutor natural" ye quien tien la representación institucional de la formación morada na Cámara autonómica.
Tomé espresóse asina dempués de que la FSA-PSOE celebrara una xunta con Podemos p'abordar la conformanza de la Mesa de la Xunta nel plenu constitutivu del parlamentu a la que la parllamentaria nun foi tres nomar a una comisión negociadora distinta de la nomada pola dirección del partíu, cola que ta enfrentada desque foi escoyida cabeza de llista.
"Ellos (la FSA-PSOE) saben perfectamente que'l so interllocutor natural nesti momentu ye quien tien la representación institucional y enantes o dempués vamos sentanos a falar", apuntó en sorrayando que la dirección autonómica de Podemos "nun esiste" y cuenta solo con una coordinación interina que se formó pa cubrir la baxa médica de la coordinadora autonómica, Sofía Castañón.
© 2025 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL