Tornen les escavaciones na fosa d'El Rellán

Alcontraos restos humanos baxo una gochera construyida na finca de Grau

Dempués de siete meses tornen les escavaciones na fosa d’El Rellán, en Grau, onde ta documentao que fueron fusilaes y enterraes cuasi 50 persones pola represión franquista.

Bastaron unes hores de trabayu pa que los voluntarios de l’Asociación pa la Recuperación de la Memoria Histórica atoparen nuevos restos humanos na fosa.

Apaecieron al volver a escavar, na continuación de la trinchera que sirvió de puntu de fusilamientu y enterramientu, onde yá sacaron n’agostu del añu pasáu 14 cuerpos. El so análisis xenéticu va comparase col ADN de familiares.