Trabayadores de BBVA y CaixaBank manifiéstense escontra los despidos

La protesta coincide con una xornada de fuelga en BBVA y un paru de media hora en Caixabank

Decenes de trabayadores de BBVA y CaixaBank manifestáronse esti miércoles n’El Paséu los Álamos d’Uviéu en protesta escontra los axustes de plantiya planeaos nes dos entidaes bancaries.

Esta protesta a comuña de los trabayadores de les dos entidaes coincide con una xornada de fuelga ente la plantiya de BBVA y un paru de media hora nel casu de Caixabank.

Caixabank planteó más de 7.600 estinciones de contratos, mientres que BBVA negocia un despidu colectivu pa 3.500 trabayadores, unos axustes qu’afectaríen a unos 130 trabayadores n’Asturies.