Tres prindaos, ún d'ellos por violencia machista, nel Seya

El Centru de Coordinación atendió 172 llamaes y contabilizáronse 109 emerxencies

El dispositivu de seguridá afitáu pola Guardia Civil en Les Arriondes y Ribeseya por mor de la celebración del Descensu Internacional del Seya saldóse con tres persones prindaes, una d’elles por violencia de xéneru.

Según informó l’Institutu Armáu, los otros dos prindaos nel operativu, nel que participaron 400 efectivos, fueron por alcoholemia.

Tamién hubo dos accidentes de tráficu nos que se mancaron dos persones.

En cuantes a les pruebes de detección de droga, de les catorce feches, cinco fueron positives.

La Guardia Civil formuló catorce denuncies por tenencia y consumu de droga na vía pública y interviene 10 gramos de cocaína, 143 gramos de h.achís y 80 gramos de mariguana.

Amás, interpunxéronse otres 24 denuncies alministratives, trece d’elles venceyars con acampaes.

El Plan de Seguridá del 86 Descensu Internacional del Seya, un dispositivu del que formaben parte más de 400 efectivos de la Guardia Civil y coordináu pol Serviciu d’Emerxencies del Principáu (SEPA), zarróse esti domingu ensin que se rexistraren incidentes graves en Les Arriondes y Ribeseya.

Según informó’l 112 Asturies, ente’l 2 y el 4 d’agostu, el Centru de Coordinación Operativa atendió un total de 172 llamaes y contabilizáronse 109 emerxencies, 67 nel conceyu de Ribeseya y 42 en Parres.