Últimes xuntes de la ronda de contactos de Les Escuelines en Llangréu y Mieres

Ensin resolver la xuba del preciu de los comedores escolares en colexos como'l José Bernardo de Sama

Ensin resolver la xuba del preciu de los comedores escolares en colexos como'l José Bernardo de Sama. La Conseyería d'Educación asegura que foi una cuestión llegal y la solución pasa por unificar el preciu'l próximu cursu. Cuestiones que se trataron nes últimes xuntes de la ronda de contactos de Les Escuelines en Llangréu y Mieres.

El colexu José Bernardo de Sama reclamó deldes d'ente 0,25 céntimos a 200 euros. Xuba que les families negáronse a abonar y que la Conseyería paez que, finalmente, nun va asumir tampoco.

Foi unu de los temes a alderique na xunta de Les Escuelines con Llangréu. Los sos cinco centros xuntáronse a la rede, pero'l Conceyu va tener que compensar a les sos trabayadores pa que caltengan el so salariu. Nel so casu, la xuba salarial y la categoría B yá foi reconocida por sentencia xudicial.

Mieres tamién se xune. Equí va construyise una nueva escuelina pa faer frente a les llistes d'espera y Educación va consolidar a 15 trabayadores por concursu de méritos.

La ronda de contactos de Les Escuelines acabó güei col sí de 69 conceyos.