Un argayu destrúi parte d'una casa en Salas ensin causar mancaos

Otru desprendimientu de tierra estroza una nave y provoca la muerte de 12 oveyes y dos gochos

Les fuertes lluvies rexistraes nes últimes hores n'Asturies provocaron argayos de tierra en Villazón (Salas), unu d'ellos afectó a parte d'una vivienda ensin causar mancaos, y l'otru estrozó una nave y provocó la muerte de 12 oveyes y dos gochos.

Según informaron fontes de la Guardia Civil, Policía Local de Salas y el 112-Asturies, tamién resultó inundada una vivienda nel mesmu llugar del conceyu de Salas y desallugaron dos viviendes por prevención.

La crecida del ríu oblió a desallugar a una familia de la so vivienda en Piloña

En Piloña, una pareya moza y el so fíu menor tuvieron que ser desallugaos esta mañana de la so vivienda pola crecida del ríu. Pocu dempués de les 11:00, Bomberos d'Asturies consiguieron rescatar al últimu miembru de la familia, que tuvo tiempu abondu de recoyer delles de les sos pertenencies enantes d'abandonar la vivienda, de la que tamién tuvieron qu'escapar poles inundaciones del pasáu mes de xineru.