Un total de 36 profesores fueron víctimes d'acosu o violencia n'Asturies el cursu pasáu

Los casos d'agresión a docentes xuben un 9,1%, los más en Primaria y Secundaria

ANPE recibió’l cursu pasáu 36 denuncies d’acosu, agresión o insultos a docentes, lo que supón una medría del 9,1% al respective del cursu anterior, los más d’ellos en Primaria y en Secundaria, con 17 y 12 casos, respectivamente.

Asina lo apuntó’l sindicatu na presentación del Informe del Defensor del Profesor correspondiente al cursu 2021-2022, fechu pola coordinadora del serviciu del defensor del profesor, Montserrat Fernández.

Nel cursu 2021-2022 ANPE atendió 36 casos docentes víctimes d’acosu o violencia, que s’amiesten al total de los rexistros contabilizaos dende la puesta en marcha de la defensa del profesor creada nel añu 2006, que totaliza 464 casos.