Una de les peores costeres de la perceba de los últimos tiempos

Los mariscadores deciden atayar la so esplotación temporalmente

Los mariscadores detectaron una falta bien importante d'esta especie, lo qu'obligó a delles cofradíes a atayar la so esplotación. En L.luarca, por casu, tuvieron ensin sacar perceba dende principios d'añu. Agora, tres un estudiu biolóxicu, van tornar al trabayu pero de manera intermitente.

La costera de la perceba entamó n'Asturies el 1 d'ochobre, pero en cinco meses munchos perceberos nun fueron trabayar nin la metá de los díes. Nun hai perceba nes roques y decidieron da-yos descansu.

Una parada fundamental pa evitar situaciones como les vivíes nos últimos años con otres especies, como l'oriciu, que per siete años tuvo en veda.

Na cofradía de Valdés llevaben dende xineru ensin garrar perceba. Tres un análisis biolóxicu de la redolada esti llunes van tornar al trabayu, pero acutando zones y díes.

Too coles mires de poder siguir viendo esti tipu d'imáxenes nes cofradíes de la rexón.