Una empresa de turismu activu denuncia qu'EDP caltién el banzáu de Valdemurio a un nivel mínimu

La Confederación Hidrográfica del Cantábricu asegura que la eléctrica cumple cola normativa

Hai díes nos qu'Agustín Gómez nun pue faer usu de les piragües y esto ye un problema porque rexenta una empresa de turismu activu a pie del banzáu de Valdemurio, Quirós.

Denuncia que la empresa EDP, que xestiona'l banzáu, caltiénlu a un nivel mínimu que fai, n'ocasiones, invidable practicar piragüismu.

En plena campaña turística, denuncia qu'esto supón un perxuiciu económicu.

Según pudo saber TPA Noticies, en 2018 EDP autorizó a la empresa de turismu l'usu recreativu del banzáu col condicionante de que l'usu principal del mesmu sedría siempres xenerar electricidá.

Pela so parte, la Confederación Hidrográfica del Cantábricu asegura que la empresa d'electricidá cumple cola norma d'esplotación y que la lliberación del caudal ecolóxicu ye la correcta pa caltener l'ecosistema fluvial, amás, d'un requisitu d'obligáu cumplimientu.