Unes 200 persones piden en L.luarca un equipamientu pa la colección de calamares xigantes

L’antiguu Muséu quedó estrozáu por un temporal marítimu va güei cinco años

Güei cúmplense cinco años del temporal marítimu qu’estrozó’l Muséu del Calamar Xigante de L.luarca.

Pa recordar esta fecha, esti mediudía concentráronse na capital valdesana unes doscientes persones pa reclamar soluciones urxentes pa la puesta en marcha d’una nueva instalación, que puea acoyer la colección de cefalópodos xigantes más completa del Mundu.

Vecinos y representantes de toles formaciones polítiques piden axilizar los trámites del futuru proyectu de muséu, que tará asitiáu nel cai del pueblu.

Pa esti añu, los presupuestos asturianos incluyen una partida de 300.000 euros pa entamar les obres.