Uviéu llevará alantre una 'recapitulación' del área de Seguridá Ciudadana

Encargará la xestión de dalgunos contratos de la Policía Local a otros departamentos municipales

L’Ayuntamientu d’Uviéu encargará la xestión de dalgunos contratos de la Policía Local a otros departamentos municipales.

Contratos como los de la rede semafórica, la compra de nueves tablets o la señalización dexarán de tramitase nel Área de Seguridá Ciudadana.

El conceyal d’esti departamentu cree que son midíes de saneamientu afayadices pa meyorar el serviciu y acabar con dalgunes práctiques como les conocíes por mor de la Operación Enredadera.

En materia d’Organización, plantégase camudar la rellación de puestos de trabayu pa llendar el trabayu de la Policía, el de Bomberos y los Servicios Xenerales.

Unes midíes nel Serviciu de Seguridá que dirán acompañaes del conveniu pa que’l Principáu se faga cargu de les oposiciones a Policía.

L’Ayuntamientu ufiertará esti añu cinco nueves places que confía puean entamar a tramitase al traviés del Institutu Asturianu d’Alministración Pública a finales d’esti añu.