El conceyal d'Urbanismu del Conceyu d'Uviéu, Ignacio Cuesta, reconoció que l'anterior contratu pa la reforma del Bulevar de Santuyano rescindióse siguiendo los criterios de los servicios xurídicos municipales.
Una decisión qu'agora se rectificará, por mor del fallu xudicial, entamando un nuevu procesu p'anular el contratu. Según el conceyal, la sentencia nun va afectar nin a los proyectos en marcha pal Bulevar nin al llogru de fondos europeos.
Tampoco, asegura Cuesta, va suponer un mayor perxuiciu económicu pal Conceyu d'Uviéu.
El conceyal afitó que'l proyectu del Bulevar diseñáu pol tripartitu nun yera válidu porque la so execución tardaría abondo nel tiempu. Faló escontra del Partido Socialista, al qu'acusó de populismu y sectarismu.
Cuesta plantegó la opción de nun recurrir la sentencia y esperar si la empresa afectada alega escontra'l fallu.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL