Vacaciones en paz, el respiru pel branu de los neños sah.arauis

Cofiño pon en valir el papel de l'Asociación de Solidaridá col Pueblu Sah.araui

El presidente de la Xunta Xeneral, Juan Cofiño, punxo esti llunes en valir el papel desempeñáu pola Asociación Asturiana de Solidaridá col Pueblu Sah.araui y poles families d’acoyida que faen posible’l programa 'Vacaciones en Paz'.

El parllamentu asturianu celebró güei un actu de bienvenida a una ventena de neños y neñes sah.arauis que participarán esti añu nel programa.

Xunto a una ventena de menores sah.arauis, d’ente 8 y 11 años, del total de 75 neños y neñes vinientes de los campamentos de refuxaos del Sáh.ara qu’esfruten de les sos vacaciones n’Asturies, fueron a la Xunta como acompañantes cerca de mediu centenar de persones de les sos families d’acoyida.