Valdés planta cara a la violencia escontra les muyeres

El Conceyu pon en marcha un programa en collaboración colos negocios del conceyu

"Nengún casu ensin denunciar, nengún establecimientu ensin sofitar", ye’l lema de la campaña escontra la violencia hacia les muyeres que'l Conceyu de Valdés va poner en marcha estos díes.

Los negocios que deseen sumase van recibir un distintivu de Puntu Seguru con un códigu QR que va dirixir a les víctimes a una guía d'actuación, esplica Silvia García, conceyala de Servicios Sociales, Vivienda y Igualdá del Conceyu de Valdés.

Iniciativa que se suma a la llucha de Valdés escontra esti mal, unu los pocos conceyos d'Asturies nel que la so policía local participa nel Sistema 'Viogen' de protección a les víctimes, señala Carlos García, xefe de la Policía Local de Valdés.

Prevención y protección nes que se va poner especial enfotu'l próximu 22 d'agostu na celebración de San Timoteo, una de les más multitudinaries d'Asturies. Equí va instalase un puntu violeta d'información.

Esperiencia en collaboración con Cruz Roja, que se repite tres l'ésitu del añu pasáu. Porque toa ayuda ye poca pa combatir una violencia que nun para.