Valgrande-Payares abre de forma parcial

La xornada entama con una avería nel remonte del Tubu

Güei yera'l día escoyíu pa que la estación d'esquí de Valgrande-Payares abriera, polo menos en parte. Sicasí, hebo dalgo d'incertidume esta mañana por cuenta d'una avería n'otru remonte.

Había munches ganes d'esfrutar de la estación pero a primer hora de la mañana una avería nel remonte del Tubu, fixo que los aficionaos tuvieren que retrasar l'entamu de l'actividá deportiva no cimero la estación. El remonte abrió a les dos hores.

Mentanto, siguen los llabores de revisión del telesiella d'El Brañil.lín, lo que provocó'l retrasu na apertura dafechu de les instalaciones.