Valgrande-Payares abre toles sos instalaciones

Los responsables de la estación confíen en que les ñevaes previstes vuelvan a depositar un bon mantu blancu

Primer xornada con toles instalaciones de Valgrande-Payares operatives.

A pesar del bon tiempu, güei nun se rexistró una gran afluyencia d’esquiadores. Les previsiones meteorolóxiques pal fin de selmana desanimaron a munchos.

La estación cuenta con menos ñeve que na so apertura la ponte de la Constitución pasada.

Mañana volverá a llover, pero dende’l llunes los responsables de la estación confíen en que les ñevaes previstes vuelvan a depositar un bon mantu blancu en Payares.