Valgrande-Payares amplía la so ufierta con una cinta pa debutantes

Tará asitiada na parte alta de la estación

La estación d’esquí Valgrande-Payares amplía la so ufierta pa la nueva temporada qu’arrancará a finales de mes, el 30 de payares, con una nueva cinta pa debutantes na parte alta del complexu ivernal.

A 1.865 metros d’altura, nuna zona privilexada de la estación, podrá esfrutase de la nueva cinta pa entamar nos deportes d’iviernu.

La cinta viniente d’Italia instálase con medios propios de la estación. Una vegada tea colocada, quedaría pendiente una segunda fase pa llevar alantre la instalación eléctrica.