Vecinos de Llanes piden xusticia y respetu polos familiares de Javier Ardines

El xuiciu pol crime del conceyal síguese con muncha espectación

El xuiciu pol asesinatu del conceyal llaniscu d’IX, Javier Ardines, convirtióse nún de los más mediáticos d’Asturies nos últimos tiempos. Nel conceyu llaniscu, onde se produxo’l crime d’Ardines, el casu tamién xeneró muncha espectación mediática ente lo sos vecinos.

Los vecinos del valle de San Xurde tamién tán mui pendientes de toles noticies venceyaes col xuiciu del conceyal llaniscu, pero los más prefieren nun facer declaraciones públiques por respetu a los familiares de Javier Ardines.

La más de los vecinos colos que faló TPA Noticies faló esta mañana, confíen en que se faga xusticia pa que los culpables cumplan les penes dafechu y, amás, esperen que’l xuiciu acabe darréu pa que los sos familiares puean pasar páxina.

El conceyal llaniscu d’IU foi asesináu’l día 16 d’agostu del 2018 a pocos metros de la so vivienda familiar de Pría.