Veintiséis candidatures opten mañana a ser Pueblu Exemplar d’Asturies

Los premios de la Fundación Princesa cumplen 30 años

Un total de 26 candidatures opten mañana al Premiu al Pueblu Exemplar d’Asturies 2019, premiu que da la Fundación Princesa y qu’esti añu cumple la so trixésima edición.

El xuráu encargáu de la concesión del Premiu aconceyará a les 09:30 pa dar a conocer hores dempués el ganador d’esti premiu, dotáu con 25.000 euros y que lleva asociada la visita de los reis d’España un día dempués de la ceremonia d’entrega de los Premios Princesa d’Asturies nel Teatru Campoamor de Uviéu.

Ente les candidatures presentaes esti añu figuren el Valle de Cuna (Mieres), Llugones (Siero), La Trapa-La Vega y El Carme (Llangréu); Cue (Llanes), Suarías (El Valle Baxu de Peñamellera), Pel.luno (Ayer), Pimiango (Ribedeva), Santa María del Puertu (Somiedu), Pezós, Somao (Pravia) y Banduxu (Proaza).

El Valle del Samuñu (Llangréu), Coya (Piloña), Asiegu (Cabrales), Posada (Llanes), Coviella (Cangues d’Onís), Valdesotu (Siero), Llaviana (Gozón) La Puela (Allande), y Fitoria y la Sociedá Festivo-Cultural San Antonio de Fitoria y Villamaxil (Uviéu) tamién forman parte de les candidatures.

La rellación d’aspirantes complétenla la Cofradía de Pescadores Santana (Llanes), la Comunidá vecinal de San Cucufate (Llanera), la Xente de la villa de Salas, l’Asociación Ríu Fontoria (Piloña), el Movimientu asociativu y comunidá vecinal de Riosa, y la comunidá vecinal de Casu.