Viaxe al centru de la tierra nel Muséu Xeolóxicu

Un Xardín Xeolóxicu, a manera de percorríu per distintos periodos xeolóxicos, asítiase nos esteriores del muséu

El Muséu de la Xeoloxía inauguróse nel añu 2001 pa sopelexar los depósitos almacenaos pola Facultá de Xeoloxía nes sos entós cincuenta años d'hestoria y como complementu didácticu pa los sos alumnos. Espón más de mil pieces de les cincuenta mil que componen la colección, señala Luis Miguel Rodríguez Terente, Director-Conservador del Muséu de la Xeoloxía.

Exemplares de donaciones, compres o rescataos polos científicos adscritos a la Facultá. Tan singulares y autóctonos como una roca de fluorita o una docena de fragmentos del meteoritu de Cangues d'Onís, la xoya de la esposición. La Sala de Fluorescencia dexa amás esperimentar coles propiedaes de los minerales.

Nos esteriores, allúgase un Xardín Xeolóxicu, a manera de percorríu per distintos periodos xeolóxicos. L'accesu al equipamientu ye gratuitu, de llunes a vienres, y con visites guiaes pa un mínimu de diez persones.