Vox pide a Barbón qu'aplique una baxada d'impuestos n'Asturies

Visita institucional de Rodolfo Espina a la Feria Internacional de Muestres

El presidente de Vox n'Asturies, Rodolfo Espina, apuesta por quitar chiringos, dixo y baxar la presión fiscal. Espina criticó na Feria de Muestres la política de los gobiernos socialistes.

Espina pidió al xefe del Executivu asturianu, Adrián Barbón, qu'impulse una baxada d'impuestos pa que los entamadores atopen atractivo invertir na rexón

En declaraciones a los medios na Feria Internacional de Muestres d'Asturies (Fidma), Espina indicó qu'apocayá empresarios mexicanos sollertaron en Colombres de la elevada fiscalidá asturiana, polo que reclamó a Barbón que lleve alantre una baxada d'impuestos.

Espina tamién avanzó que va sofitar al Gobiernu autonómicu en materia de financiamientu autonómicu siempre y cuando esixa que seya un modelu "proporcional" pa cada provincia.

Sicasí, refugó la idea del presidente autonómicu de que'l nuevu sistema de financiamientu autonómicu tenga en cuenta la presión fiscal de cada comunidá.

Na so opinión, los políticos "nun fixeron nengún esfuerzu" na crisis y ye hora de que lo tomen "en serio" porque hai que faer que "Asturies resurda".

Espina destacó la importancia d'escuchar a los ciudadanos y afirma que tán abiertos a alcuerdos siempre y cuando se respete la decisión de los sos votantes. Amás de baxar la presión fiscal, tamién tienen como prioridá la creación d'empléu.