Xixón nun abrirá les playes el 25 de mayu a pesar de que se pue na Fase 2

Señala que nun tán decidíes les midíes pa velar pola seguridá

L'alcaldesa de Xixón, Ana González, avanzó que les playes de la ciudá nun van abrise esti llunes, 25 de mayu, a pesar de que se pue si Asturies pasa a la Fase 2 de la desescalada, porque entá nun tán decidíes les midíes pa velar pola seguridá énte'l coronavirus.

“Nun voi abrir les playes el 25”, aseguró la rexidora en rueda de prensa telemática na qu'esplicó que'l Consistoriu abrirá les playes en cuantes seya posible pero non agora porque taba trabayando “a marches aceleraes” pa la so apertura na tercer fase, como se pensaba n'orixe.