Xixón nun almitirá "soluciones provisionales" pal vial de Xove

Martínez Salvador asegura que "enagora, nun hai nenguna rempuesta" a la carta unviada pola alcaldesa

El portavoz del Gobiernu y conceyal d'Urbanismu de Xixón, Jesús Martínez Salvador, alvirtió esti martes de que la ciudá nun pue asumir más "soluciones provisionales" pa proyectos de la importancia del vial de Xove.

L'edil, que fizo estes declaraciones dempués del aconceyamientu selmanal de la xunta de Gobiernu, insistió en que la prioridá pasa por algamar "una solución definitiva” qu’elimine'l tráficu pesáu en superficie de los barrios de la ciudá, más allá d'alternatives eventuales d'accesu a El Musel como la plantegada per Aboño.

Martínez Salvador valoró "positivamente” que se treslladare la "unanimidá" que s'amosó en Xixón en cuantes al refugu d'un proyectu en superficie a l'Alianza poles Infraestructures.

Per otra parte, el portavoz del Gobiernu local esplicó que, “enagora, nun hai nenguna rempuesta" a la carta unviada pola alcaldesa, Carmen Moriyón, al presidente del Gobiernu Pedro Sánchez al respective del vial de Xove.