Xixón nun anovará la concesión d'El Bibio y pon fin a la feria taurina de Begoña

Ana González: "Acabóse la feria taurina porque paez que s'escondíen abondes coses"

La plaza de toros d’El Bibio de Xixón nun volverá a agospiar la tradicional feria taurina de Begoña, porque l’Ayuntamientu nun anovará la concesión de la plaza por considerar que nun se puen utilizar los toros pa “desplegar una ideoloxía escontra los derechos humanos”.

“Acabóse la feria taurina”, afirmó l’alcaldesa de Xixón, Ana González, en declaraciones a los periodistes, qu’esplicó que lo pasó na última corrida de la Feria de Begoña, onde dos de los morlacos de la ganadería de Daniel Ruiz llamábense “Feminista” y otru “Nigeriano”, precipitó una decisión que yá taba tomada.

“Una ciudá que cree na igualdá de muyeres y homes, que cree na integración, nes puertes abiertes a tol mundu nun pue permitir esti tipu de coses”, afirmó l’alcaldesa sobre esta polémica, cola que cruzaron “delles rayes”.