El conceyal d’Obres del Ayuntamientu de Xixón, Olmo Ron, afirmó que les obres pa la restitución del tráficu en doble sen na contornada d’El Muro de La Playa San Llorienzo sedrán "mínimes" y allargaránse un mes.
Asina lo afirmó en rueda de prensa xunto al conceyal de Movilidá, Aurelio Martín, pa dar cuenta de los cambeos que va sufrir la contornada d’El Muro de La Playa San Llorienzo pa restituir el tráficu nel 'cascayu' en cumplimientu de la sentencia del Tribunal Contencioso Alministrativu, 1 de Xixón.
Ron esplicó que van crear una sola carril de circulación sen oeste onde taba’l 'cascayu' con un solu xiru a la izquierda en Menéndez Pelayo y caltendrá una franxa verde paralela dende la escalera 7 que se siguirá habilitando pa usu peatonal.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | RSS | Sobre RTPA | Entidad adherida a AUTOCONTROL