Xixón va tener 15 kilómetros más de carril bici nos próximos años

Entama la Selmana de la Movilidá, coles mires d'amenorgar la contaminación

Entama güei en Xixón la Selmana de la Movilidá y failo estrenando oficina especializada. El nuevu serviciu va buscar la implantación de midíes, que favorezan la movilidá pacífica y amenorguen la contaminación non solo atmosférica sinón tamién acústica.

Nos próximos años, Xixón va tener 15 kilometros más de carril bici. Eduardo Fernández, responsable de la Oficina de Movilidá del Conceyu lleva 15 años moviéndose en bicicleta y cree fondamente en qu'otra movilidá ye posible.

Nes sos manes, ta algamar dende'l cargu que güei estrena, que peatones, conductores, ciclistes y usuarios de patinetes consigan entendese.

Una movilidá pacífica nuna ciudá que'l curtiu plazu empobina a llendar a 30 kilometros hora y a amenorgar la circulación tanto nel centru urbanu como nos barrios.