Xixón xube al nivel 1 el protocolu por contaminación na zona oeste

Conlleva baldéu en tola zona oeste, llendar la velocidá y esviar los camiones con granel sólido

L’Ayuntamientu de Xixón xubió esta mañana al nivel 1 (avisu) el protocolu d’actuación n’episodios de contaminación del aire na zona oeste de Xixón, que sigue activu dende’l 18 de xineru, por mor de la concentración de partícules inferiores de 10 micres (PM10).

Dende’l vienres pasáu y hasta esta mañana’l protocolu siguía nel so nivel 0 con calter preventivu, pero agora vuelve al nivel d’avisu, niveles de PM10 ente 51 y 81 microgramos per metru cúbicu, informó l’Ayuntamientu.

El nivel 1 conlleva baldéu en tola zona oeste, llendar la velocidá de 120 a 90 kilómetros hora nun tramu de l’A-8 y esviar los camiones con granel sólido que tendrán qu’entrar n’El Musel per Aboño.