Yolanda Díaz presenta güei n'Asturies Sumar, tres axuntase con trabayadores y l'alcadesa de Xixón

Segunda xornada de la visita de la vicepresidenta segunda del Gobiernu al Principáu

Segunda xornada de la visita de la vicepresidenta segunda del Gobiernu a Asturies. Una visita que s'enmarca nel procesu d'escucha entamáu por Yolanda Díaz y nel so percorríu pa dar a conocer Sumar, el proyectu políticu del que formen parte, ente otros asturianos, l'ex-director xeneral de Salú Pública, Rafael Cofiño.

Tres axuntase ayeri col artista Rodrigo Cuevas ta previsto que güei lo faiga con trabayadores de distintos ámbitos; col presidente de l'Academia de la Llingua Asturiana; va caltener un alcuentru tamién cola alcaldesa de Xixón; y va protagonizar un actu de Sumar, yá pela tarde, na pista cubierta de Cimavilla.