Empiecen les obres de reforma nes antigües escueles de Bayas

L'actuación tien una duración de tres meses y un costu de 61.589 euros al cargu de financiamientu européu

Empiecen les obres de reforma nel edificiu de les antigües escueles de Bayas, en Castrillón. Incluyen trabayos de caltenimientu del inmueble, que data del añu 1966. El so usu foi primero pa les escueles del pueblu, y dempués foi destináu a vivienda social.

Anguaño yera la sede de l'Asociación de Vecinos de Bayas, pa xornaes d'alcuentru, numberosos talleres culturales, de salú y ociu. Dende va años presentaba una importante degradación del lladriyu vistu, y la pintura, amás de problemes coles baxantes pluviales y canalones.

L'actuación tien una duración de tres meses y un costu de 61.589 euros al cargu de financiamientu européu.