L'horru, esbarrumbáu parcialmente por un camión, ta a nada de colapsar en Grau

La familia afectada ta a la espera de que Patrimoniu Cultural valore'l so estáu y decida'l futuru del horru

El pasáu 5 de xunu, a les nueve y media de la nueche, un camión, d'una subcontrata de Coxersa, chocó col horru, causando'l so valtamientu parcial. Los propietarios señalen que l'horru deteriórase a diario y cuerre'l riesgu d'esbarrumbe. Esto ye un problema porque la carretera ye la única vía pa dir al pueblu y supón un peligru pa vecinos y escursionistes señala Amelia Menéndez, propietaria del horru.

L'horru, que forma parte del catálogu etnográficu y cuenta con más de 200 años d'antigüedá, presenta un riesgu d'esbarrumbe.

La familia alvierte que la situación ye peligrosa. Dicen que pasaron dos meses dende l'accidente y qu'entá tán a la espera de que'l seguru del camión responsable tome midíes pa protexer el camín.

La conceyalía d'Urbanismu del Conceyu de Grau, pela so parte, encamienta a los propietarios qu'establezan un valláu perimetral de seguridá y se lleven alantre les xeres mínimes d'intervención pa quitar los cascotes y aquellos elementos que puean cayer apunta José Antonio Menéndez, propietariu del horru.

La familia afectada ta a la espera de que Patrimoniu Cultural valore'l so estáu y decida'l futuru del horru.