La sienda fluvial del Nalón va ampliase hasta los 20 kilómetros al traviés de los terrenos de la central térmica de Lada

Ye la propuesta d'Iberdrola pa les parceles más próximes al ríu una vegada remate'l desmontaxe de la planta

La sienda fluvial del Nalón va ampliar el so percorríu hasta los 20 kilómetros. Va facese al traviés de cuatro parceles amiestes al ríu qu'Iberdrola dexará al Conceyu de Llangréu una vegada remate'l desmontaxe de la central térmica de Lada apunten Jaime Rodríguez y Manuel Morales, vecinos de La Felguera y Celestina Fueyo, de Lada.

25.000 metros cuadraos de terrén que van dexar completar la gran sienda fluvial de la contorna. Va haber qu'esperar inda cerca d'un añu a que remate'l desmontaxe pieza a pieza d'esta central, que va lliberar 264.000 metros cuadraos de terrén

Ensin fecha prevista pa que l'ampliación seya una realidá, los usuarios avezaos valoren que medre l'espaciu pa practicar deporte y piden que sirva tamién pa meyorar la ufierta de zones pa perros señalen Marta Serrano, vecina de Lada y Víctor López, vecín de La Felguera.

El plan propuestu pola empresa inclúi amás la rexeneración de les riberes del Nalón dende Lada hasta Riañu y va suponer l'esmantelamientu de la presa.