Los productores de faba integraos so la IXP falen d'una mala collecha

Les continues lluvies d'anguaño y l'apaición de plagues faen sufrir al sector

Una de les estrelles de la nuesa güerta ye la faba. Productu qu'anguaño va llegar más tarde y en menor cantidá a les nueses meses. La razón: una primavera y branu abondo húmedos que retrasaron el so plantíu y compliquen la so crecedera señala Sergio Suárez, presidente d'IXP 'Faba d'Asturies'.

Condiciones que lleven al sector al pesimismu per segundu añu consecutivu. Problemática similar sufre la verdina, anque la so collecha yá empezó. Espérase una notable cayida de la producción.

Males cifres qu'amenacien la continuidá de munchos productores integraos na IXP "Faba d'Asturies", con cerca de 150 anguaño. Y que'l so futuru pasa tamién, espliquen, por variedaes más resistentes.