La llinia de tren ente Cualloto y L'Infiestu anovaráse dafechu

Renfe programará un serviciu alternativu de tresporte per carretera

La llinia de cercaníes Asturies C6 anovará la vía ente Cualloto y L'Infiestu. Los trabayos entamen pocos díes dempués de que remataren los del tramu Xixón / El Berrón. Asturies al Tren valora positivamente les obres.

Nun habrá cortes nel serviciu, poque caltendráse per carretera con 112 trayectos mensuales alternativos. Pero’l colectivu cree que les nueves víes nun solucionen el problema de retrasos y cancelaciones de l’antigua Feve, porque los trenes son mui vieyos. El meyor remediu sedría la reforma de los horarios, que podría ser una realidá a final d’añu.

Adif tamién trabaya agora nes duplicaciones de vía, como la d’ente La Carrera y La Pola (Siero), para evitar embudos ferroviarios.