El mercáu de ganáu de La Pola (Siero) sigue anovando les sos instalaciones

L'Ayuntamientu pide más inversiones nos presupuestos rexonales vinientes

El mercáu de ganáu de La Pola (Siero) sigue anovando les sos instalaciones. Agora cola medría de más xaules, en 40 centímetros, pa mayor seguridá. El recintu cunta con 333, y yá s’actuó en 78, gracies a una subvención del Principáu de 30.000 euros, cola que tamién meyoró’l firme o los portones.

Sicasí, l’Ayuntamientu pide más inversiones nos presupuestos rexonales vinientes, porque’l mercáu necesita una reforma dafechu, como por exemplu na cubierta, con una actuación que sedría mui costosa.

En cuantes a l’asistencia, los númberos son asemeyaos a los de 2023, con 60.000 reses hasta la fecha, y una estimación de 95.000 pa final d’añu.