Entama la instalación de la estructura del radar de tramu del Corredor del Nalón

La estructura ta asitiada en Ciañu y instalaráse otra igual en Sama

Entama la instalación del radar de tramu del Corredor del Nalón. Dende esta mañana, operarios tuvieron colocando la estructura a l’altura de Ciañu. La previsión ye asitiar otra igual en Sama, dempués del desdoblamientu de la vía.

Enagora, nun hai una fecha definida pa la so entrada en funcionamientu. Sicasí, fontes de Delegación del Gobiernu aseguren que se ta trabayando na so verificación.

El Corredor del Nalón ta llendáu a 80 km/h dende’l mes de febreru pasáu. Esti sistema de radar sedrá de grabación de contino, comprobando’l pasu de cada vehículu y calculando la velocidá media.