Astilleros Gondán va facer el so barcu más grande de sofitu a parques eólicos marinos

La entrega del barcu, que va operar nel Mar del Norte, ta prevista pa mediaos de 2027

Astilleros Gondán robló un contratu pa la construcción d'un nuevu barcu de sofitu a parques eólicos marinos.

El nuevu buque, de 120 metros, va tener capacidá pa 180 operarios. Va tar forníu cola tecnoloxía necesaria pa facer una amplia gama d'operaciones n'alta mar, incluyendo inspección, caltenimientu y arreglos. La so propulsión híbrida garantiza baxes emisiones de CO2.

Ye la embarcación más grande fecha por esta firma naval nel astilleru d'As Figueiras, daqué que va ser posible tres les obres d'ampliación que la empresa fizo nos últimos años. La entrega del barcu, que va operar nel Mar del Norte, ta prevista pa mediaos de 2027.