Los anguleros de Ribeseya protesten pola subvención del Principáu por angula

Los afectaos consideren que los 200.000 euros nun lleguen pa indemnizar a los 180 anguleros asturianos

La gran mayoría de los pescadores de la contorna oriental asturiana inda nun saben si van pidir l'ayuda del Principáu poles restricciones na pesca de l'angula, yá que consideren que los 200.000 euros son insuficientes pa cubrir la indemnización de los 180 profesionales del sector apunta Iván Gutiérrez, angulerou de Ribeseya.

Los afectaos calcularon que-yos van pagar menos de 50 euros por caúnu de los díes indemnizaos, lo que supón una cifra mui inferior a la d'un día de pesca asegura Iván Peón, anguleru de Ribeseya.

Los anguleros tamién reclamen que-yos indemnicen por caúnu de los díes que-yos quiten de pescar, unos 70 díes nos cuatro meses de la postrer costera. Pela so parte, el Gobiernu autonómicu quier contabiliza-yos los díes al traviés de los estadillos, unos rexistros personales que sirvíen pa controlar a la especie señala Bautista Zornoza, anguleru de Ribeseya.

Los anguleros asturianos tienen un plazu de 15 díes, hasta'l 17 de setiembre, pa pidir esta ayuda al Gobiernu del Principáu.