Webcams
Buscar
Barbón: "L'apertura d'Amazon demuestra que merez la pena invertir n'Asturies"
Primer vez nel centru loxísticu d'Amazon en Bobes, el xigante del comerciu online abre n'Asturies la so sesta nave loxística n'España. Empieza con 400 trabayadores y la perspectiva de superar los mil.
Les instalaciones tienen una amplia área robotizada que, nesti casu, xube a los 40.000 metros cuadraos, 14 kilómetros de cintes tresportadores y 53.688 estantes móviles onde s'almacenen los productos.
El presidente del Principáu, Adrián Barbón, aseguró esti llunes que la entrada en funcionamientu del nuevu centru loxísticu qu'Amazon llevantó en Siero ye la demostración de que la diplomacia discreta da'l so frutu", pero tamién de qu'Asturies ye una tierra na que merez la pena invertir.
"Mientres Amazon paralizó apertures n'otros puntos, decidió poner en marcha'l d'Asturies. Eso significa qu'Asturies ye una tierra d'oportunidaes y que merez la pena invertir nella", señaló Barbón.
